कोरोना अपडेटः भारतमा एक्कै परिवारका ३१ जनामा संक्रमण, अहिलेसम्म ४८८ जनाको मृत्यु
भारतमा कोरोना भाइरस कोभिड १९ बाट एकै परिवारका ३१ जना संक्रमित फेला परेका छन् । आज बेलुकी प्राप्त जानकारी अनुसार एकै परिवारका ३१ जनामा संक्रमण भेटिएको हो ।
यस्तै भारतमा कोरोना भाइरसको कारण मृत्यु हुनेको संख्या चार सय ८८ पुगेको छ । पछिल्लो २४ घण्टामा भारतमा करिब एक हजार नयाँ संक्रमित पनि थपिएका छन् । यससँगै समग्र संक्रमितको संख्या पनि १४ हजार ७ सय ९२ पुगेको छ ।
भारतको महाराष्ट्रमा सबैभन्दा धेरै दुई सय एक जनाको कोरोना भाइरसको कारण मृत्यु भइसकेको छ । भारतको सबैभन्दा प्रभावित यो प्रान्तमा अहिलेसम्म तीन हजार तीन सय २३ संक्रमित फेला परिसकेका छन् ।
भारतको उत्तर प्रदेशमा अहिलेसम्म १४ जनाको कोरोना भाइरसको कारण मृत्यु भइसकेको छ भने आठ सय ४९ जनामा यसको संक्रमण देखिएको छ ।
