तेस्रो बागमती गोल्डकपको उपाधी जावलाखेललाई
तेस्रो बागमती गोल्डकप फुटबल प्रतियोगिताको उपाधि जावलाखेल युवा क्लबले जितेको छ ।
आज भएको फाइनल खेलमा हिमालयन शेर्पालाई १-० गोलले पराजित गर्दै जावलाखेलले उपाधी उचालेको हो ।
जर्सी नम्बर १५ का खेलाडी ड्याडी जुनियरले गरेको एक मात्र गोल नै जावलाखेलका लागि भाग्यशाली सावित भयो । पहिलो हाफ गोल रहित भएको खेलामा ड्याडी जुनियरले खेलको दोस्रो हाफको चौथो मिनेटमा गोल गर्दै जित सुनिश्चित गरेका हुन ।
हिजो भएको दोस्रो सेमिफाईनल खेलमा संकटा क्लब काठमाडौंलाई पराजित गर्दै जाउलाखेलले फाईनलमा हिमालयनसंगको भेट पक्का गरेको थियो ।
जितसंगै जावलाखेलले ६ लाख नगद सहित शिल्ड र मेडल प्राप्त गरेको छ भने उपविजेतामा चित्त बुझाएको हिमालयनले लाख सहित शिल्ड र मेडल प्राप्त गरेको छ ।
यसैगरि सर्वोत्कृष्ट खेलाडी ५० हजार नगद प्राप्त गरेका छन् । उत्कृष्ट गोलरक्षक फरवार्ड मिडफिल्डर डिफेन्डर र प्रशिक्षकले जनही १० हजार प्राप्त गरेका छन् ।
गोल्डकपमा एकैसाथ प्याराफिट र खुल्ला स्थानमा बसेर ७ हजार दर्शकले खेल हेर्ने वयवस्था मिलाइएको थियो । पहिलो बागमती गोल्ड कपको उपाधी हरिहरपुरगढीले हात पारेको थियो भने दोस्रो गोल्डकपको उपाधी सरस्वती युवा क्लबले हात पारेको थियो।
