पत्रकार खशोग्गीको हत्या सम्बन्धी श्रव्य सामग्री सुन्नै सकिनः ट्रम्प 

अमेरिकी राष्ट्रपति डोनाल्ड ट्रम्पले साउदी अरेबियाका पत्रकार जमाल खशोग्गीको हत्याका क्रममा दिइएको चरम यातना सम्बन्धी श्रव्य सामग्री आफूले सुन्नै नसक्ने बताएका छन् ।

अमेरिकी समाचार संस्था ‘फक्स न्यूज’ले लिएको अन्तवार्तामा राष्ट्रपति ट्रम्पले खशोग्गीको हत्यामा दिइएको चरम यातना सम्बन्धी श्रव्य सामग्री बारे आफूले जानकारी लिएको तर सुन्न भने नसक्ने बताएका हुन् ।  

उनले कसैलाई यातना दिइएको टेप गरिएको श्रव्य सामग्री कठोर क्रियाकलापको प्रत्यक्ष प्रमाण भएकाले यसलाई एक मानवका नाताले आफूले सुन्नै कठिन मानेको बताए ।

श्रव्य सामग्रीमा भएका शब्दहरू निकै कठोर, हिंस्रक, क्रुर र भयंकरका भएको उन भनाइ थियो । टर्कीले यी सामग्री अमेरिका, बेलायत लगायत पश्चिमी सहयोगी देशहरुलाई उपलब्ध गराएको थियो ।