चार वर्षपछि हेटौंडा वडा नम्बर १४ को आफ्नै भवनबाट कार्य सम्पादन सुरु

छहारी संवाददाता
२८ पुष २०७८, बुधबार १०:५९

चार वर्षपछि हेटौंडा उपमहानगरपालिका वडा नम्बर १४ ले आफ्नै भवनबाट कार्य सम्पादन सुरु गरेको छ ।

कार्य सम्पादनका लागि घर भाडामा लिएको वडा कार्यालयले मंगलबारदेखि आफ्नै भवनमा सेवा सुरु गरेको हो । नवनिर्मित भवनको हेटौंडा उपमहानगरपालिका मेयर हरिबहादुर महतले उद्घाटन गर्नु भएको हो । उपमहानगरपालिकाको ४५ लाख लागतमा ४ कोठे भवन र ६३ लाख लागतमा ५ कोठे स्वास्थ्यचौकी निर्माण भएका हुन् । दुवै भवन एकै ठाउँबाट सेवा लिन मिल्ने गरी निर्माण गरिएको छ ।

स्वास्थ्यचौकीमा गर्भवती सेवा, खोप, भिटामिन, स्वास्थ्य उपचार, दादुरररुबेला विरुद्धको खोप लगायत नेपाल सरकारले वितरण गर्ने सम्पूर्ण सेवाहरु उपलब्ध हुने स्वास्थ्यकर्मी अंशुु लामाले जानकारी दिनुभयो । नयाँ भवन उद्घाटन पछि मेयर महतले व्यवस्थित ढंगले वडा कार्यालय र स्वास्थ्यचौकी भवन निर्माण गरिएकोमा वडा अध्यक्षलाई धन्यवाद दिँदै वडा विकासका काममा १४ नम्बर वडा १ नम्बरमा रहेको जिकिर गर्नुभयो ।

कार्यक्रममा वडा अध्यक्ष दीपक खड्काले आफू निर्वाचित भएपछि वडामा धेरै विकासका कामहरु भएको भन्दै आगामी दिनमा पनि राम्रो काम गर्ने बताउनुभयो । कार्यक्रममा वडामा रहेर उत्कृष्ट कार्य गरी योगदान पु¥याएका ज्येष्ठ नागरिक, बक्सिङ, भलिबल र फुटबल खेलाडी, प्रशिक्षक, पत्रकार, स्वास्थ्यकर्मी, सुरक्षाकर्मी, कानुन व्यवसायी, चित्रकला, उपभोक्ता समिति, समाजसेवीलाई सम्मान गरिएको थियो । कार्यक्रममा हेटौंडा उपमहानगरपालिका कार्यकारी प्रमुख शिवराज चौलागाई, वडा सदस्यहरु चमेली सिञ्जालीमगर, चन्द्रबहादुर स्यांतान, कमला दर्नाल र रामबहादुर तामाङ लगायतको उपस्थिति थियो ।

यसमा तपाइको मत

Your email address will not be published. Required fields are marked *


*