ओमीक्रोनका कारण भारतमा पनि एक जनाको मृत्यु
भारतमा कोरोनाको नयाँ भेरियन्ट ओमीक्रोनका कारण एक जनाको मृत्यु भएको छ ।
ओमिक्रोनका कारण ७३ वर्षका एक वृद्धको मृत्यु भारतीय सञ्चारमाध्यमले जनाएका छन् । उनी भारतमा ओमिक्रोन भेरियन्टबाट मृत्यु हुने पहिलो संक्रमित हुन् ।
मधुमेहका रोगी समेत रहेका ती वृद्धलाई डिसेम्बर १५ मा ओमिक्रोन भेरियन्ट संक्रमण भएको पुष्टि भएको थियो । उनी संक्रमण पत्ता लागेपछि अस्पताल भर्ना भएका थिए ।
