अस्पतालमा कर्मचारीलाई कोरोना संक्रमण भएपछि आकस्मिकबाहेकका सेवा बन्द गरिएको छ । जिल्ला अस्पताल पाल्पामा कार्यरत कर्मचारीलाई कोरोना संक्रमण भएपछि अत्यावश्यक बाहेकको सेवा बन्द भएको हो ।
१० जनाका पीसीआर परीक्षण गर्दा ९ जनामा कोरोना संक्रमण देखिएको अस्पताल विकास समितिका अध्यक्ष नेत्रप्रसाद पाण्डेयले जानकारी दिनुभएको हेल्थपाटी डटकमले लेखेको छ । । पाण्डेयका अनुसार सुत्केरी सेवा, ल्याब, सुरक्षित गर्भपतन र सिफारिसबाहेकका सेवा बन्द गरिएको छ ।
अस्पतालका निमित्त मेसुसहित ६ मेडिकल अधिकृत, एक डेन्टल सर्जन, एक पारामेडिक्स र एक ल्याब टेक्निसियनमा कोरोना पुष्टि भएको हो । उहाँहरु सबैजनामा आइसोलेसनमा हुनुहुन्छ ।
