नेकपाका संस्थापक महासचिव पुष्पलाल श्रेष्ठको प्रतिमा अनावरण

छहारी संवाददाता
७ श्रावण २०७८, बिहीबार ०८:३०

नेपाल कम्युनिस्ट पार्टीका संस्थापक महासचिव पुष्पलाल श्रेष्ठको ४३ औँ स्मृति दिवस बिहिबार देशभर विभिन्न कार्यक्रम गरी मनाइँदैछ ।

यसैक्रममा हेटौंडा ५ मा रहेको पुष्पलाल पार्कमा निर्मित पुष्पलाल श्रेष्ठको प्रतिमा (शालिक) अनावरण गरिएको छ । बागमती प्रदेशका मुख्यमन्त्री डोरमणी पौडेलले श्रेष्ठको प्रतिमा(शालिक)अनावरण गर्नु भएको हो ।

नेपालमा कम्युनिष्ट पार्टी मार्फत् नागरिकका पक्षमा अधिकार स्थापित गर्ने लक्ष्यका साथ नेपाल कम्युनिष्ट पार्टीको स्थापना गर्नुभएका पुष्पलालको २०३५ साल साउन ७ गते निधन भएको थियो । नेपाली क्रान्तिका सिद्धान्तकारका रूपमा परिचित पुष्पलालले आफ्नो जीवनभर नागरिकको स्वतन्त्रताका लागि संघर्ष गर्नुभयो ।

उहाँले विश्व कम्युनिस्ट घोषणापत्रलाई २००५ सालमा नेपालीमा अनुवाद गरी प्रकाशन गर्नुभयो । विसं १९८१ असार १५ गते रामेछापको भँगेरीमा पुष्पलालको जन्म भएको थियो । पुष्पलालको ४३ औं स्मृति दिवसको अवसरमा नेकपा एमाले
मकवानपुरले आयोजना गरेको शालिक अनावरण कार्यक्रममा नेकपा मकवानपुर अध्यक्ष एकलाल श्रेष्ठ सहित एमाले नेता कार्यकर्ताको उपस्थिति रहेको थियो।

यसमा तपाइको मत

Your email address will not be published. Required fields are marked *


*