स्वास्थ्यकर्मिलाइ प्रोत्साहन भत्ता दिने सरकारको निर्णय
सरकारले कोभिड १९ रोकथाम तथा परीक्षणका लागि खटिने स्वास्थ्य स्वयंसेविकालाई प्रोत्साहन स्वरुप एक पटकका लागि १५ सय रुपैयाँ दिने भएको छ ।
स्वयंसेविकालाई मानिस क्वारेन्टाइनमा बसे र नबसेको हेर्ने, विदेशबाट नेपाल फर्केका नागरिकको पहिचान तथा निगरानिका लागि जाने उनीहरूलाई सरकारले प्रोत्साहन भत्ता दिने निर्णय गरेको हो । कोरोना रोकथाम तथा नियन्त्रण समन्वय उच्चस्तरीय समितिको अस्तिको बैठकले देशभर ५० हजार स्वास्थ्य स्वयंसेविका परिचालन गर्ने निर्णय गरेको थियो ।
दुइ हप्तादेखि जारी लकडाउन अर्थात् बन्दाबन्दीको समयावधि आगामी वैशाख ३ गतेसम्म थप गर्ने निर्णय भएको छ । कोभिड १९ को संक्रमण बढ्न नदिन सरकारले चैत ११ गतेदेखि देशलाई लकडाउन गर्ने घोषणा गरेको थियो, सीआईएनमा खबर छ ।
यसअघि चैत २५ मध्येराति सम्मका लागि लकडाउन थप्ने निर्णय गरेको सरकारले हिजो फेरि आठ दिन लकडाउनको अवधि बढाउने निर्णय गरेको हो । सरकारले क्वारेन्टाइनमा बसेकाको स्वास्थ्य परीक्षण गर्दा कोरोना नदेखिए घर जान दिने, तर थप सात दिनसम्म घरभित्रै बस्न अनिवार्य गरेको छ ।
जसअनुसार १४ दिन क्वारेन्टाइनमा बसेपछि द्रुत जाँज विधिबाट परीक्षण गरिनेछ । यसमा कोरोना नभएको पुष्टि भएपछि घर जान पाईने छ । स्थानीय तहलार्य पनि अनुगमन गर्ने गरी व्यवस्था मिलाइएको सरकारका प्रवक्ता खतिवडाले जानकारी दिनुभयो ।
दुई दिनअघि सुदूर पश्चिम प्रदेशमा ३ जना कोभिड–१९ बाट संक्रमित भएको पाईएपछि सरकारले बन्दाबन्दीलाई थप लम्ब्याएको हो । हिजोको मन्त्रिपरिषद बैठकले कोरोना रोकथाम तथा नियन्त्रणका लागि काम गर्ने निजी अस्पतालका चिकित्सकलाई पनि सरकारीलाई सरहको सेवासुविधा दिने निर्णय गरेको छ ।
