गोकुल बास्कोटाको घरमा बम बिस्फोट गर्ने तीन जना पक्राउ
पूर्व सूचना तथा संचारमन्त्री गोकुल बास्कोटाको घरमा बम बिस्फोट गराउने तीन जनालाई अपराध अनुसन्धान महाशाखा टेकुको टोलीले पक्राउ गरेको छ ।
पक्राउ पर्नेमा कैलाली भजनी नगरपालिका ४ का ३१ वर्षका अमृत बहादुर कुमाल क्षेत्री, टिकापुर ८ का ३१ वर्षका लक्ष्मण सेट्ठी र कालीकोट त्रिवेणी गाउँपालिका ८ का २७ वर्षका अविषेख भनिने टेक विक रहेको महाशाखाका सूचना अधिकारी एसपी मुकेश कुमार सिंहले जानकारी दिनुभयो ।
उनिहरु नेकपा माओवादी विप्लब समुहका मध्य कमाण्डो ब्यूरोका कायकता रहेको अनुसन्धानबाट खुलेको उहाँले बताउनुभयो ।
अपराध अनुसन्धान महाशाखाबाट खटिएको विशेष टोलीले काठमाडौंका विभिन्न स्थानबाट उनिहरुलाई पक्राउ गरी आवश्यक कार्वाही प्रक्रिया अगाडी बढाएको छ । उनिहरुले भक्तपुर लोकन्थली १ मा रहेको बास्कोटाको घरमा गत फागु २८ गते बम बिस्फोट गराएका थिए ।
