यूएस एम्बेसीको मेनेजर भनि लाखौं रकम ठगी गर्ने खड्का पक्राउ
आफुलाई काठमाडौं स्थित अमेरिकी दुतावासको कर्मचारी भएको बताउँदै लाखौं रकम ठगी गर्दै आएका एक जनालाई प्रहरीले पक्राउ गरेको छ ।
सिन्धुपाल्चोक मेलम्ची ९ ज्यामिरे घर भइ हाल काठमाडौं मनोहरा ७ थली बस्ने ४१ वर्षका विकास भनिने केदार खड्कालाई महानगरीय अपराध महाशाखा टेकुको टोलीले पक्राउ गरेको हो ।
विषेश सूचनाका आधारमा काठमाडौं ७ चावहिलबाट उनलाई नियन्त्रणमा लिएको महाशाखाका प्रहरी उपरिक्षक एसपी मुकेश कुमार सिंहले जानकारी दिनुभयो । उनले अमेरिका पठाइदिने भनि १० जना संग ५५ लाख रुपैया ठगी गरेको अनुसन्धानबाट खुलेको छ ।
अन्य ठगीएकाहरु पनि उजुरीका लागि आउने क्रममा रहेको उहाँले बताउनु भएको छ । अमेरिका पठाउने विश्वास दिलाउन विभिन्न व्यक्तिहरुलाई आफु दुतावासको कर्मचारी बताउने गरेका खड्कालाई आवश्यक कार्वाहीको लागि महानगरिय प्रहरी परिसर टेकु काठमाडौं पठाइएको सिंहले बताउनुभयो ।
