आज मौसम सफा रहने अनुमान
आज दिउँसो पूर्वी तथा मध्य नेपालका भूभागमा आंशिक बदली रही बाँकी भूभागमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।
महाशाखाका अनुसार आज राति देशभर मौसम सामान्यतया सफा रहनेछ । भोली दिउँसो देशभका पहाडी भूभागमा आंशिक बदली रहनेछ भने बाँकी भूभागमा सामान्यतया मौसम सफा रहने छ ।
भोली राति देशको पश्चिमी भूभागमा सामान्य बदली र मध्य तथा पूर्वी पहाडि भूभागमा आंशिक बदली र बाँकी भूभागमा सामान्यतया मौसम सफा रहने छ ।
देशको पश्चिमी पहाडी भूभागका एक दुई स्थानमा हल्का वर्षा हुने सम्भावना छ । पश्चिमी उच्च पहाडी तथा हिमाली भूभागका एक दुई स्थानमा हल्का हिमपात हुने सम्भावना रहेको महाशाखाले जानकारी दिएको छ ।
