दुर्लभ वन्यजन्तु गैंडाको खागसहित २ जना पक्राउ
गैंडाको खागसहित २ जना पक्राउ प्रहरीले काठमाडौंको चावहिल क्षेत्रबाट दुर्लभ वन्यजन्तु गैंडाको खागसहित २ जनालाई पक्राउ गरेको छ ।
महानगरीय प्रहरी अनुसन्धान महाशाखाको टोलीले गैंडाको खाग कारोबार गर्ने चावहिलका ४६ वर्षका लब खत्री र बाजुरा बुधिगङगा घर भै हाल काठमाडौंको कपन एकताबस्ती बस्ने २२ वर्षका दिनेश थापालाइ पक्राउ गरेको हो ।
उनिहरुले अवैध रूपमा ल्याएको १ थान गैंडाको खाग २५ लाखमा बिक्री गर्न लागेको विशेष सूचनाको आधारमा पक्राउ गरिएको महानगरीय अपराध महाशाखाका प्रहरी प्रवक्ता एसपि मुकेश कुमार सिंहले जानकारी दिनुभयो ।
उनीहरुमाथी आवश्यक अनुसन्धान भइरहेको प्रहरीले जनाएको छ ।
