मकवानपुर महत्वपूर्ण पर्यटन गन्तव्यः जिसस प्रमुख खुलाल
जिल्ला समन्वय समिति मकवानपुरका प्रमुख रघुनाथ खुलालले मकवानपुर जिल्ला धेरै कारणले महत्वपूर्ण पर्यटन गन्तव्य हुँदा हुँदै पनि प्रचारप्रसार राम्रोसंग हुन नसकेको बताउनु भएको छ ।
आज इन्द्रसरोवर गाउँपालिकाको जलाशय स्थलमा आयोजित पर्यटन वर्ष सन् २०२० को स्वागत कार्यक्रममा उहाँले अहिले भने अझ तिब्र गतिमा पर्यटकिय क्षेत्रको प्रचार प्रसारका लागि योजना निर्माण गरेर अगाडी बढेको बताउनुभयो ।
प्रमुख खुलालले देश र जिल्लाले समृद्धि प्राप्त गर्ने कुरा कृषि र पर्यटन रहेको भनदै यसको विकासमा विषेश पहल गर्नुपर्ने आवश्यक्ता औंल्याउनु भयो ।
पर्यटकलाई आकर्षित गर्न स्थानिय स्तरमा सरसफाईका साथै पर्यटकलाई गर्ने व्यवहारमा परिवर्त गर्नु पर्ने बताउनुभयो । प्रमुख खुलालले पर्यटन वर्ष सन् २०२० र्ला स्वागत गर्न तयारी अवस्थामा रहेको बताउनु भएको छ ।
इन्द्रसरोवरमा प्रत्येक साता करिब २ हजार आन्तरिक तथा बाह्य पर्यटकले अवलोकन गर्ने गरेका छन् । पर्यटन वर्षलाई लक्षित गरी यस क्षेत्रमा एक दर्जन नयाँ होटल पनि थपिएको र केही बन्ने क्रममा रहेको इन्द्रसरोबर गाउँपालिकाले जनाएको छ ।
यसैत्रीच, नेपाल भ्रमण वर्ष सन् २०२० सफल पार्न प्रदेश तीन सरकारले मकवानपुरको इन्द्रसरोवर गाउँपालिकामा पर्यटन स्तम्भ निर्माण, ईन्द्रसरोवर गाउँपालिकाको सहकार्यमा मन्त्रालयले मार्खुमा साँस्कृतिक कार्यक्रम, पाराग्लाडिङ, पहिलो पर्यटक ३ जनालाई कुलेखानीमा निशुल्क बस्ने व्यवस्था समेत गरेको छ ।
यस्तै जनवरीको पहिलो दिन पुस १६ गते चितवनको सौराहा, चितवन विमानस्थल, मकवानपुरको इन्द्रसरोवर, रसुवागढी नाका र तातोपानी नाकामा गरी ८ वटा कार्यक्रम आयोजना गरेको छ ।
त्यस्तै भोली नै पर्यटकको गन्तव्यको रुपमा रहेको सौराहामा विभिन्न जातीय पहिचान झल्कने साँस्कृतिक कार्यक्रम रहेको पर्यटन मन्त्रालयले जानकारी दिएको छ । १६ गतेबाट ४ दिन सौराहामा हात्ती वाक र हात्ती सुन्दरी प्रतियोगिता समेत हुनेछ ।
चितवन विमान स्थलमा आउने पहिलो विदेशी पर्यटकलाई मायाको चिनो तथा स्वागत गर्ने कार्यक्रम समेत रहेको छ । मन्त्रालयले चितवनमा फस्ट फ्लाइट २० जनालाई निशुल्क जंगल सफारी तथा हात्ती सफारी गराउनुका साथै एक रात बस्ने व्यवस्था समेत गरको मन्त्रालयले जनाएको छ ।
