समृद्ध नेपाल निर्माणको महत्वपूर्ण आधार पर्यटनः मन्त्री अरुण नेपाल
प्रदेश तीनका उद्योग, पर्यटन, वन तथा वातावरण मन्त्री अरुण नेपालले समृद्ध नेपाल निर्माणको महत्वपूर्ण आधार पर्यटन रहेको बताउनु भएको छ ।
आज इन्द्रसरोवर गाउँपालिकाको जलाशय स्थलमा आयोजित पर्यटन वर्ष स्वागत कार्यक्रममा उहाँले पर्याप्तताको एउटा बिन्दुमा पुगेपछि अन्य विकासका योजनाहरु रोकिन सक्ने भन्दै उहाँले पर्यटन कहिलै पनि नरोकिने बताउनुभयो ।
उहाँले भन्नुभयो– 'नेपाललाई चिनाउने गतिविधि झनै बढ्दै जान्छ, पर्यटनबाटै व्यक्ति र देशको दिगो आर्थिक विकासमा हुनेछ ।'
पर्यटन क्षेत्रको विकासका निम्ती आफ्नो स्थानबाट के गर्न सकिन्छ भन्नेमा जनता स्वयमले पनि ध्यान जानु पर्ने उहाँको भनाई छ ।
मन्त्री नेपालले मकवानपुरको इन्द्रसरोवर प्रदेश सरकारले घोषणा गरेको भ्रमण वर्ष सन् २०२० को उत्कृष्ट पर्यटकीय गन्तव्य रहेको बताउनुभयो ।
पोखरा पछिको उत्कृष्ट गन्तव्य इन्द्रसरोवर बन्नसक्ने भन्दै उहाँले त्यसको लागि प्रदेश सरकारले बृहत्त योजना सहित पूर्वाधार विकासको काम गरिरहेको बताउनुभयो ।
उहाँले इन्द्रसरोवर जलाशयको बीच भागमा रहेको टापुमा हिन्दुका लागि मन्दिर र बौदहरुका लागि गुम्बा निर्माण गर्न प्रदेश सरकारले डीपीआर तयार गरिरहेको जानकारी दिनुभयो । साथै आफुले साइकल ट्रेलको लागि प्रस्ताव गरेको भन्दै उहाँले छिट्टै स्थानियको जिवनस्तर उकासिने गरी योजना बनिरहेको बताउनुभयो ।
बिजुलीका लागि अन्यत्रै तयारी भइरहेको भन्दै उहाँले अबको केहि वर्षमै यो जलाशयको पानी जमायर पर्यटन विकासको केन्द्र बनाउने बताउनुभयो ।
कार्यक्रममा जिल्ला समन्वय समिति मकवानपुरका प्रमुख रघुनाथ खुलाल, इन्द्रसरोवर गाउँपालिकाका अध्यक्ष जिवन लामा, उपाध्यक्ष उमा लामा लगायतको आतिथ्यता रहेको थियो ।
