पहाडी भेगमा आज राति भारी वर्षाको सम्भावना
आज देशभर मौसम आशिंकदेखि सामान्य बदली रहने भएको छ ।
मौसम पूर्वानुमान महाशाखाले निकालेको सूचना अनुसार आज दिउँसो देशभरी आशिंक देखि सामान्य बदली रही केहि स्थानहरुमा मेघ गर्जन र चट्याङ सहितको वर्षा हुनेछ ।
देशका पहाडी भेगका एकदुई स्थानमा भारी वर्षाको सम्भावना रहेको जनाइएको छ ।
आज राति देशभरी सामान्य बदली रही केहि स्थानहरुमा मेघ गर्जन र चट्याङ सहितको वर्षा हुने र मध्य तथा पश्चिमी भू भागका थोरै स्थानमा भारी वर्षाको सम्भावना रहेको छ ।
महाशाखाका अनुसार हाल देशभरी आंशिक देखि सामान्य बदली भई थोरै स्थानहरुमा हल्का वर्षा भईरहेको छ ।
