जिप्रका मकवानपुरद्वारा ६० लाख रुपैया भन्दा बढीको लागुऔषध नष्ट (फोटो फिचर)
जिल्ला प्रहरी कार्यालय मकवानपुरले विभिन्न समयमा विभिन्न स्थानबाट बरामद गरेको लागुऔषध आज जलाएर नष्ट गरेको छ ।
प्रहरीले आज मकवानपुरको भिमफेदी गाउँपालिका १ सानटार र हेटौँडा १ को संगम स्थल केसडी खोलाको किनारमा लागुऔषध जलाएर नष्ट गरेको हो ।
पत्रकारको रोहबरमा लागुऔषध गाँजा ४ सय १४ किलो ७६२ ग्राम, कोरेक्स १०० बोतल, नाईट्रोभेट ६ सय ५५ ट्याब्लेट, फेनारगन ४१ एम्पुल, ब्युप्रोनोर्फिन ४१ एम्पुल, डाईजेल्याब ४१ एम्पुल, लागुऔषध ट्रामा रेड, क्याफ डी र डिकोलिक ११ र ११ ट्याब्लेट जलाएर नष्ट गरेको हो ।
बरामद गरिएको लागुऔषध अदालतबाट अनुसन्धान तथा कारबाहीको प्रक्रिय पुरा भए पछि जलाइएको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिनुभयो ।
नष्ट गरिएको लागुऔषध गाँजाको मात्र मुल्य प्रतिकिलो १५ हजार पर्ने र ६० लाख रुपैया भन्दा बढीको गाँजासंगै अन्य लागुऔषध पनि नष्ट गरिएको एसपी सिंहले बताउनुभयो ।
जिल्ला प्रशासन कार्यालयका प्रतिनिधि अमित कुमार कर्ण, जिल्ला प्रहरी कार्यालय मकवानपुरका एसपी मुकेश कुमार सिंह, प्रहरी निरीक्षक पवन कुमार झा लगायत सरोकारवालाहरुको उपस्थितिमा लागुऔषध जलाएर नष्ट गरिएको हो ।
