बाढी पहिरोमा परी ६ जनाको मृत्यु
गुल्मीमा बाढी पहिरोमा परी ६ जनाको मृत्यु भएको छ ।
सत्यवती गाउँपालिकाको भिरकुना भन्ने ठाउँमा ३ वटा घर बाढीले बगाउँदा चार जनाको मृत्यु भएको प्रहरीले जनाएको छ ।
ज्यान गुमाउनेमा अञ्जली विक, हेमान्सु विक, पम्फा विक र निर्मली विक रहेका छन् । अन्य ५ जना बेपत्ता छन् । उनीहरुको खोजी भइरहेको छ ।
यस्तै, सत्यवती गाउँपालिका–३ ठूलोलुम्पेकको कसिनथला भन्ने ठाउँमा पहिरोले घर भत्किँदा २ जनाको मृत्यु भएको छ ।
घरले थिचेर ३१ वर्षीया तिलकुमारी तरामु र ७ वर्षका दर्शन तरामुको मृत्यु भएको हो । गम्भिर घाइते २ जनाको उद्धार गरी स्थानीय स्वास्थ्य संस्थामा उपचार भइरहेको प्रहरीले जनाएको छ ।
