अधिकांश स्थानमा वर्षा
देशको पूर्वी क्षेत्रका अधिकांश स्थानमा आज वर्षा भइरहेको छ ।
मनसुन न्यून चापिय रेखा नेपालको दक्षिणतिर रहेको र बंगालको खाडीबाट प्रवेश गरेको जलवाष्प युक्त हावा र स्थानीय वायुको प्रभावको कारण पूर्वका अधिकांश साथै मध्य तथा पश्चिमका केहि स्थानमा वर्षा भएको मौसम पूर्वानुमान महाशाखाले जनाएको छ ।
महाशाखाका अनुसार हाल देशको पूर्वी तथा मध्यका अधिकांश भु भागमा सामान्य देखि पूर्ण बदली भई केहि स्थानमा मेघ गर्जन सहित वर्षा भईरहेको छ । पश्चिमी भू भागमा आंशिक देखि सामान्य बदली भई १/२ स्थानमा वर्षा भईरहेको छ ।
आज दिउँसो देशको पूर्वी र मध्य भू भागमा सामान्य देखी पूर्ण बदली साथै पश्चिमी भू भागमा आंशिक देखि सामान्य बदली रहने बताइएको छ । पूर्वका र मध्यका अधिकांश स्थानमा साथै पश्चिमका केहि स्थानमा वर्षा हुने जनाइएको छ ।
पूर्व तथा मध्यका थोरै साथै पश्चिमका एक दुई स्थानमा भारी वर्षाको सम्भावना रहेको महाशाखाले जानकारी दिएको छ ।
महाशाखाका अनुसार आज राती देशको पूर्वी र मध्य भू भागमा सामान्य देखि पूर्ण बदली साथै पश्चिमी भू भागमा आंशिक देखि सामान्य बदली रही देशको पूर्वी तथा मध्यका अधिकांश स्थानमा साथै पश्चिमका केहि स्थानहरूमा वर्षा हुनेछ ।
देशको पूर्व र मध्यका थोरै स्थानमा साथै पश्चिमका एक दुई स्थानमा भारी वर्षा हुनेछ ।
