क्याम्पाडाँडामा भएको दुर्घटनाका घाईतेको पनि ज्यान गयो
गएको पुस २७ गते सोमबार साँझ हेटौंडामा भएको दुर्घटनामा घाईते भएका थप एक जनाको ज्यान गएको छ । उपचारको क्रममा भरतपुर स्थिति पुरानो मेडिकल कलेजमा शनिबार हेटौंडा ६ का १८ वर्षीय निरज राईको मृत्यु भएको हो ।
सोमबार साँझ कान्तिराजपथको हेटौंडा–चौघडा सडकखण्ड अन्तर्गत क्याम्पाडाँडामा हेटौंडाबाट चौघडा जाँदै गरेको प्रदेश ३–०३–००१ प ४०२० र विपरीत दिशाबाट आउँदै गरेको ना १ क ८३३३ नम्बरको टिपर आपसमा ठोक्किएर दुर्घटना भएको थियो ।
दुर्घटनामा मोटरसाइकल चालक न्युरेनि निवासी १८ वर्षीय आशिष शिवभक्तिको घटनास्थलमै मृत्यु भएको थियो भने राई गम्भीर घाइते भएका थिए।