महिला सशक्तिकरणद्वारा हाते ट्याक्टर लगायका कृषि सामान बितरण
महिला सशक्तिकरण तथा गरीबी निवारण समुह नेपालले बकैया गाँउपालिकालाई १० ओटा हाते ट्याक्टर,६ वटा विषादी छिट्ने भाडा, एउटा धान काट्ने मेसिन र च्याउ बनाउने मेसिन हस्तान्तरण गरेको छ ।
संयुक्त राष्ट्रसंघीय बिकास कार्यक्रम र बकैया गाँउपालिकाको आर्थिक सहयोगमा महिला सशक्तिकरण तथा गरीबी निवारण समुह नेपालले बकैया गाँउपालिकालाई कृषि उपकरण हस्तान्तरण गरेको हो ।
मेसिन हस्तान्तरण गर्दे समुहकी अध्यक्ष ईन्दिरा न्यौपानेले कृषिमा आधुनिकिकरण गर्दे उत्पादन बृद्धि गर्न उपकरण प्रदान गरीएको बताउनुभयो ।
यस्तै संयुतm राष्ट्रसंघीय बिकास कार्यक्रमका फिल्ड अधिकृत धन बहादुर चन्दले सरकारले अघि सारेको नितिअनुसार कृषिमा आधुनिकिरणका माध्यमबाट मानिसलाई स्वरोजगार बनाउदै आर्थिक बिकासमा सहयोग गर्न उपकरण वितरण गरीएको बताउनुभयो । गाउँपालिकाका अध्यक्ष दामोदर खनालले गरीबी निवारण समुहले सरकारले गर्न खोजेको काममा सहयोग गरी ठुलो योगदान पुर्याएको बताउनुभयो ।
उपकरण बितरण कार्यक्रममा गाँउपालिकाकी उपाध्यक्ष सरला बोलाखे, प्रमुख प्रशासकीय अधिकृत लक्ष्मण पुडासैनी लगाएतको उपस्थिती थियो ।
