नेकपामा बिलिन भएर प्रचण्डले सहिदको सपनामा कुल्चिएः राजन तिमल्सीना
नेकपा माओवादी केन्द्रको मकवानपुर कार्यसमितीले जनसंगठन विस्तार तथा जनसम्बन्ध सुद्धृढिकरण अभियान अन्तरगत आज जिल्ला भेला आयोजना गरेको छ ।
कार्यक्रममा प्रमुख अतिथी नेकपा माओवादी केन्द्रका केन्द्रिय सचिव राजन तिमल्सेनाले एमालेमा बिलिन भएर पुष्पकमल दाहाल प्रचण्डले जनयुद्धबाट प्राप्त लोकतन्त्रको उपहास गरेको आरोप लगाउनुभएको छ ।
उहाँले जनयुद्ध मुख्य उदेस्य पुरा नगरी नेकपामा विलिन भएर प्रचण्डले सहिदको सपना कुल्चिएको समेत आरोप लगाउनुभयो ।
गरिब असहाय विपन्न वर्गको नाममा नेकपाले अहिले लुटको स्वर्गमा राज गरिरहेकोभन्दै अब माओवादीहरु मिलेर फेरी विद्रोह गनेए दाबी गर्नुभयो ।
बिप्लब लगायत अन्य स साना पार्टी मिेलेर विशाल कमिटी गठन गरी बृहद राजनीतिक संगठन निर्माण गर्ने तयारीमा रहेको समेत बताउनुभयो । उहाँले गरीब जनताको पक्षमा उभिएर पुँजीपति बर्गको बिरुद्धमा देशभर अभियान सुरु गरेकोबताउनु भएको छ ।
कार्यक्रममा केन्द्रिय सदस्य नारायण देउलाले मुक्तिका लागि दश वर्षे जनयद्ध लडेको भएपनि प्रचण्डले पार्टीको जनभावना टपरीमा मन्सीएको जस्तै गरी नेकपा एमालेमा पन्छाएको आरोप लगाउनुभयो ।
राजनितीले मानिसलाई नैतिक र व्यवहारिक बनाउने भन्दै देउलाले भन्नुभयो –"प्रचण्डले झुक्याएको कारण हामी उठ्न बाध्य हुनु परेको हो र माग पुरा भएन भने हतियार उठाउन समेत हामी बाध्य हुनेछौं ।"
यस्तै प्रदेश २ का संयोजक पासाङ मोक्तानले लालपुर्जा बिहिन सुकुम्बासीहरुलाई उचित बासस्थानको व्यवस्था अहिलेसम्म नभएको तर भोटर बैंकको रुपमा सुकु्म्बासी जनता प्रयोगमा आइरहेको गुनासो गर्नुभयो । उहाँले मजदुर वर्ग समेत सरकारको भोटर बैंकको रुपमा प्रयोग भइरहेको भन्दै नक्कली कम्युनिष्टले सरकारको नेतृत्व गरिरहेको टिप्पणी गर्नुभयो ।
नेकपा माओवादी केन्द्रका मकवानपुर संयोजक सूर्य लामाको सभापतित्वमा भएको कार्यक्रममा केन्द्रिय सदस्य सुर्दशन किराँती, केन्द्रिय सदस्य प्रकाश लिम्बु, केन्द्रिय सदस्य विज्ञान लामा लगायतको उपस्थिीती रहेको थियो ।
