सुनसरी जिल्लालाई कृषि उत्पादनको नमुना केन्द्र बनाइने छ५ः राज्य मन्त्री चौधरी
कृषि ,भुमि व्यवस्था तथा सहकारी राज्य मन्त्री रामकुमारी चौधरीले सुनसरी जिल्लालाई कृषि उत्पादनको नमुना केन्द्र बनाउने बताउनु भएको छ । आफ्नो गृह जिल्ला सुनसरी रामधुनी नगरको ८ र ९ नं.वडालाइ खुल्ला दिशा मुक्त घोषणा सभालाई प्रमुख अतिथिको संबोधन गर्दै उक्त कुरा बताउनु भयो ।
सुनसरीमा प्रधानमन्त्री कृषि आधुनिकिकरण परियोजना अन्तर्गत अदुवा जोन धरान,पाचकन्या,बिष्णुपादुका केन्द्र बनाएर चलिरहेको र यसै बर्ष देखि डुम्राह,प्रकाशपुर ,मधुवन केन्द्र बनएर माछा जोन र इनरुवा पुर्वलाई केन्द्र बनाएर धान जोनको कार्यक्रम पनि लागू हुने बताउनु भयो ।
इनरुवामा एउटा शितघर सहितको थोक कृषि बजार निर्माण गर्ने र इनरुवा दक्षिण तिर सब्जिको पोकेट र बल्क सन्चालनमा लयाउने बताउनु भयो ।अहिलेको सरकारले सुनसरीमा ३ अर्ब ९५ करोड ९२ लाख र रामधुनी नगरपालिकामा २८ करोड ५२ लाख बजेट बिनयोजन गरेको बताउनु भयो ।
यसै बर्ष कृषि औजार उधोग खोल्ने र ७ ओटै प्रदेशमा नमुना कृषि फार्म खोल्ने बताउनु भयो । भु-उपयोग नितिको लागि ऎन तयारी प्रक्रियामा अगाडि बढीसकेको र छिटै संसदमा पेश गर्ने बताउनु भयो ।
साना र गरीब किसानले लिएको ऋण सरकारले मिनाह गरेकोले अब तिर्न नपर्ने बताउनु भयो ।सुनसरीमा उखु किसनहरुलाइ प्रोत्साहन गर्नको निम्ति अनुदान दिने बताउनु भयो ।
