हेटौडा १० बसपार्कबाट लागूऔषध गाँजा सहित पाँच जना पक्राउ
हेटौडा १० बसपार्कमा प्रहरीले लागूऔषध गाँजा सहित पाँच जनालाई पक्राउ गरेको छ ।
हेटौडा बाट सर्लाही तर्फ जादै गरेको ना ३ ख ७९६७ नम्बरको यात्रु वाहक बस रोकी चेकरजाँच गर्ने क्रममा हेटौडाको बसपार्कको प्रहरी चेकपोष्टमा सुराकीका आधारमा पाँच जनालाई पक्राउ गरिउको हो ।
मकवानपुर राक्सीराङ गाउँपालिका वडा नंम्बर ९ बस्ने वर्ष १९ को दिल बहादुर चेपाङको साथबाट लागु औषध गाँजा ७ किलो २०० ग्राम फेला पारिएको छ ।
सोहि स्थानका वर्ष १८ को बिर बहादुर चेपाङ साथबाट लागु औषध गाँजा ७ किलो २०० ग्राम, वर्ष २४ को देव नारायण नगरकोटीको साथबाट लागु औषध गाँजा ६ किलो ५०० ग्राम, वर्ष २३ को नवराज थिंङको साथवाट लागु औषध गाँजा १५ किलो ५०० ग्राम र वर्ष १६ को शेर बहादुर चेपाङको साथबाट लागु औषध गाँजा ७ किलो ५०० ग्राम फेला पारिएको जिल्ला प्रहरी कार्यालय मकवानपुरका प्रहरी नायब उपरिक्षक बामदेब गौतमले बताउनुभयो ।
