मकवानपुरको भीमफेदी–९ मा गाडी दुर्घटना, १४ जना घाइते
मकवानपुरको भीमफेदी गाउँपालिका वडा नम्बर–९ स्थित त्रिभुवनराजपथमा गाडी दुर्घटना हुँदा १४ जना घाइते भएका छन् ।
त्रिभुवन राजपथ सडक खण्डको छैसठ्टी मोडमा चित्लांग बाट बाराको लालबन्दी जादै गरेको प्रदेश २–०३–००१ ज ०१४७ नंबरको विङ्गर गाडी सडक देखी करिब २० मिटर तल खसी दुर्घटना हुँदा यस गाडीमा सवार १४ जना घाइते भएका हुन् ।
सडकबाट तल खसेको गाडी सल्लाको रूखमा अड्किको छ । घाइतेहरुको हेटौंडा अस्पतालमा उपचार भइरहेको जिल्ला प्रहरी कार्यालय मकवानपुरले जनाएको छ । घाइते मध्य तीन जनाको अवस्था गम्भिर रहेको छ । गाडी बेक्र फेलभई उक्त दुर्घटना भएको भन्ने उद्दारमा खटिएको प्रहरी टोलीले जानकारी गराएको छ ।
