अपांगता भएकी युवती बलात्कारको कसुरमा बकैयाका गोलेलाई १० वर्ष कैद
अपांगता भएकी एक युवतीलाई बलात्कार गरेको ठहर गर्दै एक जनालाई जिल्ला अदालत मकवानपुरले १० वर्ष कैद सजाय सुनाएको छ ।
जिल्ला न्यायाधीश अवनी मैनाली भट्टराईको मंगलबार बसेको इजलासले मकवानपुरको बकैया गाउँपालिका ३ का ५० वर्षका चतुरमान गोलेलाई १० वर्ष कैद सजायको फैसला सुनाएको हो । उनलाई बलात्कारको ७ वर्ष र बौद्धिक अपांगता भएकी युवतीलाई बलात्कार गरेकोमा थप तीन वर्ष गरी १० वर्षको सजाय भएको हो ।
अदालतले गोलेलाई ३ लाख रुपैयाँ जरिवानासहित ५० हजार रुपैयाँ पीडितलाई क्षतिपूर्ति उपलब्ध गराउनु पर्ने आदेश गरेको छ । २०८० पुस २६ गते गोलेले युवतीलाई बलात्कार गरेका थिए । गोले पुर्पक्षका लागि क्षेत्रीय कारागार भीमफेदीमा छन् ।
यो पनि पढ्नुहोस्
