उद्यमीहरुलाई उत्साह जगाउने कामको सुरुवात भयोः उद्योगमन्त्री श्रेष्ठ
बागमती प्रदेशको उद्योग वाणिज्य भूमि तथा प्रशासन मन्त्रालयका प्रकाश श्रेष्ठले आफ्नो मन्त्रालयले उद्यमीहरुलाई उत्साह जगाउने कामको सुरुवात गरेको बताउनुभएको छ ।
मन्त्रालयले शुक्रबार आयोजना गरेको नव प्रवर्तन उद्यमी सम्मान कार्यक्रममा उहाँले आफ्नो मन्त्रालयले उद्यमीको साहस बढाउने तथा सरकार छ, भन्ने महसुस गराउने काम गरेको बताउनुभयो । प्रदेशभित्रका उद्यमी तथा उद्योगलाई विकास गर्ने उदेश्यले सम्मान गरिएको उहाँको भनाई छ ।
कार्यक्रममा उद्योग वाणिज्य संघ मकवानपुरका उपाध्यक्ष उज्वल चौलागाईले सम्मानित हुने महिला उद्यमीहरुलाई सम्मान व्यक्त गर्नुभयो । सबै उद्यमीहरु आफैमा सक्षम रहेको भन्दै उहाँले आगामी दिनहरुमा मन्त्रालयले युवा लक्षित कार्यक्रमहरुमा पनि जोड दिन आग्रह गर्नुभयो । युवालाइ उद्यमी बनाउने हरेक गतिविधीमा उद्योग वाणिज्य संघले मन्त्रालयसंग सहकार्य गर्ने उहाँले प्रतिवद्धता व्यक्त गर्नुभयो ।
मन्त्रालयले उद्योग वाणिज्य संघ मकवानपुर संगको समन्वयमा उद्यामी छनोट गरी तीन जना महिला उद्यमीलाई नव प्रवर्तन उद्यमी सम्मान गरेको हो । छनोटमा प्रथम हुने माउन्टेन वि. कन्सर्न प्राली ललितपुर प्रथम, द्धितिय हुने मरण ढाका उद्योग, मरिण ६ र तृतिय हुने श्यामा बाटिका एकिकृत कृषि तथा पशुपंक्षि फार्म हेटौंडा १५ लाई मन्त्रालयले शुक्रबार सम्मान गरेको हो ।
यो पनि पढ्नुहोस्
