प्रधानमन्त्री स्वतः विश्वविद्यालयको कुलपती हुने व्यवस्थाको अन्त्य गर्छौंः अनेरास्ववियुका नवनिर्वाचित अध्यक्ष बुढाथोकी

छहारी संवाददाता
१० मंसिर २०८०, आईतवार १५:१०

अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बागमती प्रदेश कमिटीका नवनिर्वाचित अध्यक्ष लालबहादुर (एलबी) बुढाथोकीले अब आफ्नो ध्यान शैक्षिक मुद्धामा केन्द्रित हुने बताउनु भएको छ ।

नेशनल गोल्ड टेलिभिजनसंग कुरा गर्दै उहाँले संविधानमा मौलिक हकका रुपमा उल्लेख गरिएको शिक्षाका मुद्धाहरुमा केन्द्रित भएर अघि बढ्ने बताउनुभयो । निशुल्क शिक्षा आफुहरुको प्राथमिकता रहेको उहाँले बताउनुभयो ।

नवनिर्वाचित अध्यक्ष बुढाथोकीले प्रधानमन्त्री स्वतः रुपमा विश्वविद्यालयको कुलपती हुने व्यवस्थाको अन्त्य गर्ने समेत बताउनु भएको छ । भागबन्डाको आधारमा नभई प्रतिष्पर्धाको आधारमा कुलपती नियुक्ती हुनुपर्छ भन्ने अनेरास्ववियुले आवाज बुलन्द गर्ने बताउनुभयो ।

शनिबार हेटौँडामा भएको एमालेको भ्रातृ संगठन अनेरास्ववियुको प्रथम अधिवेशनले बुढाथोकीको नेतृत्वमा ९ पदाधिकारीसहित ४९ सदस्यीय नयाँ कमिटी सर्वसम्मत चयन गरेको हो । कमिटीको उपाध्यक्षहरूमा युवराज दाहाल, अच्युत उप्रेती र निशा पुडासैनी रहनस भएको छ ।

यस्तै, सचिवमा प्रकाश कालाखेती, सहसचिवमा प्रशान्तजंग पाण्डे, पवन तामाङ र जिपछिरिङ शेर्पा चयन हुनु भएको छ भने कोषाध्यक्षमा अमृत बर्तौला र कार्यालय सचिवमा लक्ष्मण सिलवाल चयन भएको निर्वाचन समितिले जानकारी दिएको छ ।

यसमा तपाइको मत

Your email address will not be published. Required fields are marked *


*