बसको ठक्करबाट एक बालकको मृत्यु
धादिङको गजुरीमा बसको ठक्करबाट एक बालकको मृत्यु भएको छ ।
बसले ठक्कर दिँदा धादिङको गजुरी गाउँपालिका १ बैरेनीका दिलबहादुर नेपालीका ६ वर्षका छोरा विजयको मृत्यु भएको प्रहरीले जनाएको छ । काठमाडौंबाट गोरखाका लागि छुटेको रा १ ख ४५६५ नम्बरको बसले बिहान पौने १० बजे विजयलाई ठक्कर दिएको हो ।
आदर्श माध्यमिक विद्यालयमा कक्षा १ मा पढ्ने विजयलाई बाटो काट्ने क्रममा जेब्राक्रसमा बसले ठक्कर दिएको प्रहरीले जनाएको छ । दुर्घटना पछि आक्रोशित स्थानीय बासिन्दाले पृथ्वी राजमार्ग अवरुद्ध गरेका छन्। आक्रोशित स्थानीयले शव सडकमा नै राखेर प्रदर्शन समेत गरेका छन् ।
