देशका अधिकांश ठाउँमा वर्षा जारी, दिउँसो केहि प्रदेशमा भारी वर्षाको संभावना
भोलिदेखि मौसम खुल्दै जाने मौसम पूर्वानुमान महाशाखाको अनुमान
आज पनि देशका अधिकांश ठाउँमा वर्षा भइरहेको छ ।
आज दिउँसो प्रदेश १, मधेस प्रदेश, बागमती प्रदेश, गण्डकी प्रदेश र लुम्बिनी प्रदेशका केही ठाउँमा भारी वर्षाको सम्भावना रहेको मौसम पूर्वानुमान महाशाखाले जनाएको छ । महाशाखाका अनुसार अन्य ठाउँमा भने हल्कादेखि मध्यम वर्षा हुने सम्भावना छ ।
यस्तै, आज राति बागमती, गण्डकी, लुम्बिनी, कर्णाली र सुदूरपश्चिम प्रदेशका केही ठाउँमा भारी वर्षा हुने अनुमान गरिएको छ । भोलिदेखि भने मौसम खुल्दै जाने मौसमविद्ले बताएका छन् ।
मौसम पूर्वानुमान महाशाखाका अनुसार मनसुनको न्यून चापीय रेखा माथि अर्थात भारततिर सर्ने सम्भावना रहेकाले मनसुन केही कमजोर हुने सम्भावना छ । केही दिनयता मनसुनको न्यून चापीय रेखा नेपाल नजिक रहेकाले देशैभर वर्षा भइरहेको हो ।
