पाल्पामा बस दुर्घटना, ६ जनाको मृत्यु, १७ जना घाइते
पाल्पामा बस दुर्घटना हुँदा ६ जनाको मृत्यु भएको छ । १७ जना घाइते भएका छन् ।
बाग्लुङको बुर्तिबाङबाट बुटवलका लागि छुटेको लु १ ख ५९५२ नम्बरको बस पाल्पाको रिब्दिकोट गाउँपालिका–२ लगुवामा दुर्घटना भएको जिल्ला प्रहरी कार्यालय पाल्पाले जनाएको छ । घाइतेहरूको तानसेन अस्पतालमा उपचार भइरहेको छ ।
बसमा २२ जना सवार भनिए पनि पछि बाटोमा यात्रु थपिएको हुन सक्ने भएकाले यकिन तथ्याङ्क नखुलेको प्रहरीले जनाएको छ ।
