देखेकी देवी ‘आमा’
कोखबाट निकालेर काखमा तिमि राख्दछ्यौ !
ओठमा कमलो स्पर्स प्रेमले तिमि चाख्दछ्यौ !!
उचाली मुटुमा टाँस्छ्यौ प्रिय प्राण भन्दा पनि !
चुसाउँछ्यौ दुधका धारा छातीबाट झिकी अनि !!
प्रेमका जतिछन प्याला उसैलाई पिलाउछ्यौ !
संसारको खुसी आमा उसैलाई दिलाउँछ्यौ !!
आफु भोकै बसी आमा पेट सन्तानको भरि !
देख्ता त्यो हँसिलो मुहार रमाउँछ्यौ घरि घरि !!
शिक्षाको जग हौ आमा पहिलो शब्द सिकाउने !
सुमार्गको पथमा लाग्न नेत्र ज्योति खुलाउने !!
तिमि भन्दा अरु माथि छैन कोहि कतै पनि !
देखेकी देवी हौ आमा पुजा गर्छु सधैं भरि !!
