ट्रयाक्टर दुर्घटनामा दुई जनाको मृत्यु
कपिलवस्तुको बुद्धभूमि नगरपालिका–३ मा ट्रयाक्टर दुर्घटना हुँदा दुई जनाको मृत्यु भएको छ ।
दुर्घटनामा चार जना घाइते भएका छन् । लु ४ त २४०२ नम्बरको ट्रयाक्टर मंगलबार बिहान बुद्धभूमि नगरपालिका–३ रनगाईमा दुर्घटना भएको प्रहरीले जनाएको छ ।
दुर्घटनामा शिवकुमारी थारु र फूलकुमारी थारुको मृत्यु भएको इलाका प्रहरी कार्यालय गोरुसिङ्गेले जनाएको छ । घाइतेहरुको स्थानीय अस्पतालमा उपचार भइरहेको छ ।
