खोलाले बगाएर बेपत्ता युवकको शव भारतमा भेटियो
सप्तरीको जीता नदीमा एकसाताअघि आएको बाढीमा डुबेर बेपत्ता भएका युवकको शव भारतमा भेटिएको छ ।
लगातारको बर्षाका कारण जीता नदीमा आएको बाढीमा डुबेर हनुमानगर कंकालिनी नगरपालिका ९ बस्ने २३ बर्षीय लालु मण्डल ३ कात्तिकमा वेपत्ता भएका थिए ।
उनका अनुसार शव केही सडेको अवस्थामा भेटिएको छ । शवको मुचुल्कासहित कानुनी प्रक्रिया भारतमै पूरा गरिने उनले बताए । कानुनी प्रक्रिया पूरा भएपछि शवलाई नेपाल ल्याउनका लागि पहल भइरहेको उनले बताए ।
साथी संजिव कुमार मण्डलसँगै उनी तिलाठीबाट रम्पुरा मल्हनियाँतर्फ जाँदै गर्दा जिता खोला तर्न लागेका थिए । सोही क्रममा दुवैलाई खोलाले बगाएको थियो । बगाएपछि संजिव खोला तर्न सफल भएका थिए भने लालुलाई खोलाले बगाएको थियो । स्रोतः अनलाइन खबर ।
