पानीमा डुबेर एक जनाको मृत्यु
बारामा पानीमा डुबेर आज एक जनाको मृत्यु भएको छ । जिल्लाको जितपुर सिमरा उपमहानगरपालिका–१५ स्थित बेंगे खोला पुल नजिकै सिँचाईका लागि बनाईएको ड्याममा डुबेर एक जनाको ज्यान गएको जिल्ला प्रहरी कार्यालय, बाराले जनाएको छ ।
बाराका प्रहरी नायब उपरीक्षक एवम् प्रवक्ता गौतम मिश्रका अनुसार सो ड्याममा पौडी खेल्ने क्रममा जितपुर सिमरा–१ बस्ने ४३ वर्षिय भगवान काजी कार्कीको मृत्यु भएको हो ।
घटनाबारे जानकारी प्राप्त हुनासाथ अस्थायी प्रहरी पोष्ट, डुमरवाना र ईलाका प्रहरी कार्यालय, सिमराबाट ६ जनाको प्रहरी टोली खटिएको थियो । सो टोलीले स्थानियको सहयोगमा कार्कीको शव ड्यामबाट निकालेको थियो ।
