एमसिसि मार्फत आउने भनिएको रकम नेपालीले नै संकलन गर्छन्ः सांसद पुलामी

छहारी संवाददाता
२८ भाद्र २०७८, सोमबार १४:५५

बागमती प्रदेशका सांसद प्रेम बहादुर पुलामीले एमसिसिको रकमले आमुल परिवर्तन हुने हो भने उक्त रकम सरकारले नेपालीहरुबाट नै संकलन गर्न सक्ने बताउनु भएको छ ।

उहाँले आज माओबादी केन्द्र हेटौंडा उपमहानगरपालिका ४ को पार्टी कार्यालय उद्घाटनको क्रममा यस्तो बताउनु भएको हो । सांसद पुलामीले नेपाल सरकारले खाता खोलेर रकमको आह्वान गरेको खण्डमा नेपालीहरुले उक्त रकम स्वतस्फुर्त रुपमा जम्मा गर्ने दाबी गर्नुभयो ।

एमसिसि मार्फत आउने भनिएको ५५ अर्ब रकम ३ करोड जनताको टाउको गनेर भाग लगाउदा १ हजार ८ सय मात्र तिर्दा पुग्ने रकममा जनभावना बिपरितको कार्य सरकारले गर्न नहुने उहाँको तर्क रहेको छ ।

हरेक नेपालीमा राष्ट्रहितको लागि काम गर्ने राष्ट्रिय भावना रहेको बताउदै उहाँले एमसिसि कुनैपनि हालतमा पास गर्न नहुने जनाउनुभयो । पार्टी कार्यालय उद्घाटन गर्दै सांसद पुलामीले अब माओबादी केन्द्र ६४ सालमा नै फर्कने समेत धारणा ब्यक्त गनुभयो ।

कार्यक्रममा माओबादी केन्द्र मकवानपुरका सल्लालकार ऋषीराम पोखरेलले माआबादीले नै राष्ट्रियता जोगाउने बताउनुभयो । उहाँले हालसम्म भएका राष्ट्रघाती सन्धीहरुबाट पनि अन्य दलको धारणा बुझ्न सकिने बताउनुभयो ।

कार्यक्रममा पार्टी प्रदेश कमिटी सल्लाहकार कौषल पाण्डे, माओबादी केन्द्र मकवानपुर सचिवालय सदस्य तथा प्रचार बिभाग प्रमुख कमान सिं पाख्रिन लगाएतको उपस्थिती रहेको थियो ।

यसमा तपाइको मत

Your email address will not be published. Required fields are marked *


*