नेपालमा कोरोना संक्रमणबाट मंगलबार एकै दिन २२५ जनाको मृत्यु
नेपालमा कोरोना भाइरस संक्रमणबाट मंगलबार एकै दिन २२५ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ ।
यससँगै नेपालमा कोरोना संक्रमणबाट ज्यान गुमाउने संख्या ४ हजार ८४ पुगेको छ । मन्त्रालयका अनुसार मंगलबार मात्रै नेपाली सेनाले २२५ जनाको शव व्यवस्थापन गरेको हो ।
यस्तै पछिल्लो २४ घण्टामा ९ हजार ४ सय ८३ जनामा संक्रमण पुष्टि भएको मन्त्रालयले जनाएको छ । २१ हजार ३१६ नमुना परीक्षण गरिएकोमा ९ हजार ४ सय ८३ जनामा संक्रमण पुष्टि भएको हो।
योसंगै सक्रिय संक्रमितको संख्या ९७ हजार ८ पुगेको । त्यस्तै पछिल्लो २४ घण्टामा ५ हजार २ सय २५ जना संक्रमणमुक्त भएको मन्त्रालयले जानकारी दिएको छ ।
