कोरोना संक्रमित नगर प्रहरी हवल्दारको मृत्यु भएपछि विराटनगर महानगरपालिकाको नियमित सेवा बन्द
नगर प्रहरी हवल्दारको मृत्यु भएपछि विराटनगर महानगरपालिकाले एक साताका लागि नियमित सेवा बन्द गर्ने निर्णय गरेको छ । कोरोना संक्रमित नगर प्रहरी ५७ वर्षीय सूर्य बहादुर घिमिरेको उपचारको शानिवार नेवेल शिक्षण अस्पताल विराटनगरमा मृत्यु भएको हो ।
नगरपालिकाका कर्मचारीहरुमा समेत कोरोना संक्रमण देखिएपछि वैशाख १९ गतेदेखि २५ गतेसम्म एक साताको लागि काम बन्द गरेको महानगरपालिकाले सुचना टाँसेर जानकारी गराएको छ । कोरोना संक्रमण भएका नगर रक्षक हवल्दार होम आइसोलेसनमा बस्नु भएको थियो ।
शुक्रबार अचानक स्वासप्रस्वासमा समस्या आएपछि अस्पताल भर्ना हुनु भएका उहाँको उपचारको क्रममा हृदयघातका कारण मृत्यु भएको नोबेल शिक्षण अस्पतालले जनाएको छ ।
महानगरपालिकाबाट हुने सम्भावित उच्च जोखिम रोकथाम, न्यूनीकरण तथा नियन्नत्रणका लागि माहानगर र महानगर अन्तर्गतका सबै कार्यालयहरुबाट प्रवाह हुने स्वास्थ्य, सरसफाई, वारणयन्त्र, एम्बुलेन्स र नगरप्रहरी बाहेकका नियमित सेवा सबै बन्द गरिने सूचनामा उल्लेख गरिएको छ ।
जिल्ला प्रशासन कार्यालय मोरङले १८ गते राति १२ बजे देखि लागू हुने गरी विराटनगर महानगरपालिकाका बुढी गंगा गाँउपालिका, कटहरी गांउपालिका र जहदा गाँउपालिकामा निषेधाज्ञा लागू गरेको छ ।
