सिरहा बम विस्फोटको जिम्मा जनतान्त्रिक तराई मुक्ति मोर्चाले लियो
सिरहाको लहानस्थित मालपोत कार्यालयमा आइतबार भएको बम विस्फोटको घटनाको जिम्मा जनतान्त्रिक तराई मुक्ति मोर्चा क्रान्तिकारी ले लिएको छ ।
मोर्चाका अध्यक्ष जयकृष्ण गोइतले विज्ञप्ति जारी गरेर घटनाको जिम्मा लिएका हुन् ।
तराईमा भ्रष्टाचार विरोधी अभियान अन्तर्गत सिरहाको लहान नगरपािलका अन्तर्गत रहेको मालपोत कार्यालयमा प्रेसर कुकर बम कारबाही स्वरुप विस्फोट गराइएको अध्यक्ष गोइतद्वारा जारी विज्ञप्तिमा जनाइएको छ ।
भ्रष्टाचार जारी नै रहे यसभन्दा पनि उच्चस्तरको कारबारही गर्ने मोर्चाले चेतावनी दिएको छ ।
दिउँसो भएको बम विस्फोटमा परेर मालपोत कार्यालयका नायब सुब्बासहित ८ जना घाइते भएका छन् ।
