२२ तोला सुनको सिक्रीसहित भारतीय नागरिक पक्राउ
काठमाडौंको नागढुंगा चेकप्वाइन्टबाट २२ तोला सुनको सिक्रीसहित एकजना पक्राउ परेका छन् ।
२२ तोला ३२ लाल तौलका २४ थान सिक्री सहित भारतीय नागरिक तापस सस्माललाई पक्राउ गरिएको प्रहरीले जनाएको छ ।
ना १ ज ७९२१ नम्बरको टाटा सुमो चेकजाँच गर्ने क्रममा सुमोमा सवार तापसको साथबाट उक्त परिमाणको सुनको सिक्री बरामद भएको हो । सुनको सिक्रीको बिल भर्पाई नभएकाले आवस्यक अनुसन्धान भइरहेको प्रहरीले जनाएको छ ।
