दोभान बजारमा भीषण आगलागी, ४० घर जलेर नष्ट
ताप्लेजुङ्गको दोभान बजारमा आगलागी हुँदा कम्तीमा ४० घर जलेर नष्ट भएका छन्। सदरमुकाम फुङ्गलिङ्ग बजार नजिकै रहेको दोभान बजारमा मंगलबार बिहान ८ बजेतिर आगलागी भएको हो ।
काठका घरमा आगलागी भएकाले भीषण रुप लिएको हो । दोभान बजारको एक पाटो आगलागीका कारण पूरै नष्ट भएको छ । आगो नियन्त्रणमा आए पनि क्षतिको विवरण यकिन नभएको जिल्ला प्रहरी कार्यालय ताप्लेजुङ्गका डिएसपी बालनरसिंह कुँवरलाई उद्धृत गर्दै देशसञ्चारले लेखेको छ ।
स्थानीय बासिन्दा र फुङ्गलिङ्ग नगरपालिकाको दमकलको प्रयासमा आगो नियन्त्रणमा लिइएको हो । स्थानीय बासिन्दाले विद्युत सर्ट भएर आगलागी भएको बताएका छन् । तर आगलागीको कारण यकिन नभएको डिएसपी कुँवरले जानकारी दिनुभयो ।
