जनकपुरधाममा बन्दकर्ता र प्रहरी बीच भएको झडपमा घाइते भएका नेकपा प्रचण्ड–नेपाल समूहका केन्द्रिय सदस्य झाको अवस्था गम्भीर
नेपाल कम्युनिष्ट पार्टी ९नेकपा०को प्रचण्ड–नेपाल समूहले आह्वान गरेको देशव्यापी आमहड्तालका क्रममा जनकपुरधाममा बन्दकर्ता र प्रहरी बीच भएको झडपमा घाइते भएका नेकपाका केन्द्रीय सदस्य रामचन्द्र झाको अवस्था गम्भीर रहेको छ ।
प्रहरीको लाठी प्रहारबाट घाइते भएका पूर्वमन्त्री झा र पूर्वमन्त्री एवंम नेकपाका स्थायी कमिटी सदस्य मातृका यादव सहित ४ जनालाई थप उपचारका लागि काठमाडौं लगिएको नेकपा संघर्ष समिति धनुषाका संयोजक सुधीर साहले बताएको पहिलो पोष्टले लेखेको छ ।
उहाँले पूर्वमन्त्री यादव, स्थायी समिति सदस्य रामचन्द्र झा, शहीदनगर नगरपालिकाका प्रमुख उदय बरबरिया र नेता प्रदीप साहलाई थप उपचारका लागि प्लेनबाट काठमाडौं लगिएको जानकारी दिनुभयो ।
उहाँका अनुसार घाइतेहरुलाई उपचारको लागि त्रिवि शिक्षण अस्पतालमा लगिएको छ । पूर्वमन्त्री झालाई झडपकका क्रममा प्रहरीले लाठी प्रहार गरेको थियो । उहाँको टाउकोमा गम्भीर चोट लागेको बुझिएको छ। चोट लागेपछि घाइते भएका झालाई प्रादेशिक अस्पताल जनकपुर लगिएको थियो।
