हेटौंडाको मानव सेवा आश्रममा आश्रितलाई मुख्यमन्त्रीबाट दिवा भोजन सहयोग
हेटौंडाको मानव सेवा आश्रमले आफ्नो १३ औं बार्षिक उत्सव तथा अन्तरक्रिया कार्यक्रम शुक्रबार बिहान एक समारोहका साथ सम्पन्न गरेको छ ।
बागमती प्रदेशका मुख्यमन्त्री इन्द्रबहादुर बानियाँले आश्रममा आश्रित २५० जना सहयोगापेक्षीहरुलाई एक दिनको दिवा भोजन सहयोग गर्नुभयो । कार्यक्रममा प्रदेशका विभिन्न मन्त्रीहरुको पनि विशेष उपस्थिति थियो ।
प्रमुख अतिथि मुख्यमन्त्री बानियाँले समाजका विपन्न, असहाय र सहयोगापेक्षी व्यक्तिहरुको जीवनमा आश्रमले पुर्याइरहेको योगदानको प्रशंसा गर्दै आगामी दिनमा प्रदेश सरकारले पनि सहयोग गर्ने प्रतिबद्धता व्यक्त गर्नुभयो ।
मानव सेवा आश्रमका पदाधिकारीहरुले वषौं र्देखि निरन्तर विपन्न, असहाय, मानसिक र शारीरिक रूपमा अशक्त नागरिकको उद्धार, संरक्षण र पुनःस्थापनामा संस्था सक्रिय रहेको जानकारी दिएका थिए । उनीहरूले सहयोगी हातहरू जोडिँदै गएको खण्डमा संस्थाले अझ प्रभावकारी रूपमा मानव सेवामा योगदान पुर्याउन सक्ने विश्वास व्यक्त गरे ।
