नारायणी यातायात व्यवसायी संघले स्वास्थ्य शिविर सहित साधारणसभा गर्दै
नारायणी यातायात व्यवसायी संघको ३६ औं वार्षिक साधारण सभा तथा १६ औं अधिवेशन फागुन १७ गते शनिबार हेटौंडामा हुने भएको छ ।
बागमती प्रदेशका मुख्यमन्त्री बहादुर सिंह लामाको प्रमुख आतिथ्यतामा उद्घाटन कायृक्रम हुने बिहीबार आयोजित पत्रकार सम्मेलनमा जानकारी गराइएको छ । साधारण सभाका दिनमा नेपाल मेडिसिटी अस्पताल काठमाडौंका विशेषज्ञ डाक्टरहरुको टिमबाट स्वास्थ्य परिक्षण समेत हुने नारायणी यातायात व्यवसायी संघका महासचिव सरोजकुमार खनालले जानकारी दिनुभयो ।
पत्रकार सम्मेलनमा बोल्दै संघका अध्यक्ष हिरालाल श्रेष्ठले सेवामूलक संस्था भएर पनि संघले नेपाल सरकारलाई कर तिर्दै आइरहेको बताउनुभयो । अहिले पनि ठूलो रकम नेपाल सरकारलाई कर तिनुपर्ने र आर्थिक अभाव रहेको उहाँले बताउनुभयो ।
