हेटौंडा अस्पतालका ७८ जना चिकित्सक तथा स्वास्थकर्मीले दिए सामुहिक राजिनामा(राजिनामा सहित)
हेटौंडा अस्पतालका ७८ जना चिकित्सक तथा स्वास्थकर्मीले सामुहिक राजीनामा दिएका छ्न ।
सन्चो अस्पतालका दुई जना चिकित्सकमाथी भएको कुटपिटमा संलग्न सबैलाई पक्राउ गरि कडा कारबाहीको माग गर्दै सामुहिक राजिनामा दिएको हेटौंडा अस्पतालका डाक्टर हरि बहादुर खड्काले जानकारी दिनुभयो ।
घटना भएको ४८ घण्टा वितिसक्दा पनि प्रहरीले पीडित परिवारका व्यक्तिहरुलाई मात्र पक्राउ गरेको तर घटनामा संलग्न अन्यलाई खुलेआम छाडेकाले बाध्य भएर राजिनामा दिएको डाक्टर खड्काले बताउनुभयो । शुक्रबारबाट हेटौंडा अस्पतालमा आकस्मिक बाहेकका सम्पूर्ण सेवाहरु बन्द रहने उहाँले बताउनुभयो ।
नेपाल चिकित्सक संघमा आवद्द सबै चिकित्सक तथा स्वास्थ्यकर्मीहरुले मकवानपुरका प्रमुख जिल्ला अधिकारीलाई सामूहिक पत्रचार गरी स्वास्थ्य सेवा प्रदान गर्न असमर्थ रहेको जानकारी गराएका हुन् ।
हेटौंडा १ मा संचालित सन्चो अस्पतालमा कार्यरत डाक्टर विकास थापा र प्रशान्त विडारीमाथि कुटपिट भएको थियो ।
गत साउन २५ गते डेंगुका कारण मृत्य भएका हेटौंडा–१२ का राजेश प्रधानका आफन्तले बुधबार अस्पताल भित्रै प्रवेश गरेर चिकित्सकमाथि कुटपिट गरेका थिए । प्रधानको उपचार क्रममा चिकित्सकले लापरबाही गरेको मृतकका आफन्तको आरोप छ ।
कुटपिटमा संलग्न रहेको आरोपमा मृतकका छोरा रोहित प्रधान, भतिज अनुप प्रधान, श्रीमती रमा प्रधान र छोरी रमिता प्रधानलाई प्रहरीले पक्राउ गरेको छ । घटनामा संलग्न रहेका आपन्तलाई बिहिबार नै पक्राउ गरिएको जिल्ला प्रहरी कार्यालय मकवानपुरका प्रवक्ता एवं प्रहरी नायब उपरिक्षक लक्ष्मी भण्डारीले जानकारी दिनुभयो । अन्य दोषीको खोजी भइरहेको पनि उहाँले बताउनुभयो ।
यो पनि पढ्नुहोस्
