नवोदय डान्सिङ स्टार प्रतियोगिता सम्पन्न

अश्मी, अपेक्षा, समिक्षा र दर्शना उत्कृष्ट घोषित
छहारी संवाददाता
६ श्रावण २०७८, बुधबार १९:०२

हेटौंडा ४ मा रहेको नवोदय शिशु सदन अङ्ग्रेजी माध्यमिक विद्यालयमा भर्चुअल प्रविधिबाट नवोदय डान्सिङ स्टार प्रतियोगिता सम्पन्न भएको छ ।

बुधबार भएको फाइनल राउण्डमा अश्मी घिमिरे, अपेक्षा विडारी, समिक्षा उप्रेती र दर्शना सापकोटा उत्कृष्ट घोषित भएका छन् । ५० प्रतिशत भोटिङ र ५० प्रतिशत निर्णायकको आधारमा उत्कृष्ट तीन घोषित गर्ने निर्णय भएको थियो । जसमा भोटिङ र निर्णायकको आधारमा अपेक्षा विडारी र समिक्षा उप्रेतीले समान अंक हासिल गर्न सफल भएको क्रियटिभ आर्ट ९सीएका० शिक्षक पर्वत राईले जानकारी दिए ।

४४ जना विद्यार्थीबाट टप २० बाट टप १०, टप ६ हुँदै बुधबार नवोदय डान्सिङ स्टार छनौट गरिएको हो । भौतिक रुपमा विद्यालय सञ्चालन भएपछि उत्कृष्ट छनौट भएका विद्यार्थीलाई पुरस्कृत गरिने विद्यालयले जनाएको छ । प्रतियोगितामा राष्ट्रिय नृत्य निर्देशक महासंघका केन्द्रीय सदस्य सुरेन देसार, नवोदय विद्यालयका नृत्य शिक्षक पर्वत राई र विष्णुसेन ठकुरीले निर्णायकको भूमिका निर्वाह गरेका थिए ।

कार्यक्रममा प्रमुख अतिथि रहेका विद्यालयका निर्देशक दीपेश जोशीले प्रतियोगिताले विद्यार्थीको प्रतिभा प्रस्फोटन गर्ने भएकोले गर्दा प्रतियोगितालाई निरन्तरता दिइने बताउनुभयो । क्रियटिभ आर्टका शिक्षकको संयोजनमा यसअघि नवोदय सिङ्गीङ स्टार प्रतियोगिता पनि सञ्चालन भएको थियो ।

कार्यक्रममा विद्यालयका शैक्षिक संयोजक अव्यक्त खनाललगायत विद्यार्थी, अभिभावक, शिक्षक÷शिक्षिकाहरुको सहभागिता रहेको थियो । कार्यक्रम सीएका शिक्षक पर्वत राईले धन्यवाद व्यक्त गर्नु भएको थियो ।

यसमा तपाइको मत

Your email address will not be published. Required fields are marked *


*