सङ्घीय संसद् सचिवालयका एक उपसचिवको कोरोनाका कारण मृत्यु
कोरोना भाइरस सङ्क्रमणका कारण सङ्घीय संसद् सचिवालयका एक उपसचिवको ज्यान गएको छ ।
सचिवालयको कानुन शाखामा कार्यरत उपसचिव कृष्णबहादुर खनालको उपचारका क्रममा शहीद मेमोरियल अस्पतालमा ज्यान गएको संसद् सचिवालयका प्रवक्ता रोजनाथ पाण्डेले जानकारी दिनुभयो ।
संसद् सचिवालयले गएको बुधवार सांसद र कर्मचारीको पीसीआर परीक्षण गर्ने क्रममा खनालले पनि स्वाब दिनुभएको थियो । उहाँको रिपोर्ट पोजेटिभ आएको थियो । खनाल लामो समयदेखि बिरामी रहेको पनि पाण्डेले बताउनुभयो । उज्यालो अनलाइनबाट साभार ।
