प्रजातन्त्र दिवसको अवसरमा आजदेखि तीन दिनसम्म विभिन्न कार्यक्रम हुँदै

छहारी संवाददाता
६ फाल्गुन २०७७, बिहीबार १३:५०

हरेक वर्ष मनाइने राष्ट्रिय प्रजातन्त्र दिवसको अवसरमा आजदेखि तीन दिनसम्म देशभर विभिन्न कार्यक्रम गरिँदै छ ।

२००७ सालको फागुन ७ गते एकतन्त्रीय जहानियाँ राणा शासन अन्त्य भएर प्रजातन्त्र स्थापना भएको सम्झनामा यो दिवस मनाउन थालिएको हो । प्रजातन्त्र दिवस मनाउन प्रधानमन्त्री केपी शर्मा ओलीको अध्यक्षतामा मूल समारोह समिति गठन गरिएको छ ।

बैठकले दिवसका अवसरमा आज, भोलि र पर्सि गरिने विभिन्न कार्यक्रमसमेत अनुमोदन गरेको थियो । समितिले अनुमोदन गरेअनुसार आजदेखि पर्सिसम्म विभिन्न कार्यक्रम गरिँदै छ । फागुन ७ गतेकै जगमा टेकेर २०४६ सालको चैत २६ गते प्रजातन्त्र पुनःस्थापना भएको थियो । यसैको जगमा २०६३ सालको वैशाख ११ गते लोकतन्त्र प्राप्त भएको थियो ।

यसमा तपाइको मत

Your email address will not be published. Required fields are marked *


*